«Ұстаз еңбегінің басты өлшемі — шәкіртінің жетістігі».

Бұл тұрғыдан алғанда, Перизат Махсұтханқызы — өзінен озған шәкірт тәрбиелей алған бақытты ана, бақытты ұстаз. Оның тәлім берген оқушылары бүгінде республикалық және халықаралық деңгейде мектеп намысын асқақтатып жүр. Мысалы:

• Қазыхан Самал Бақытқызы — үздік жетістіктері үшін «Алтын түлек» Республикалық энциклопедиясына енді;
• Елемес Гүлзада — ғылыми жобалар жарысының облыстық кезеңінде ІІ орын иеленді;
• Алибек Мағжан — жалпы білім беретін пәндер бойынша Республикалық олимпиадада және «Speak up & Write down» байқауында бас жүлде — І орындарды қанжығасына байлады;
• Бекзатхан Лаура — қалалық пән олимпиадасында ІІ орынға ие болды.
  Ұстаз мақтанышы мұнымен шектелмейді. Бүгінде оның алдын көрген шәкірті Абубакир Аяулым Мұқтарқызы «Орталық Азияның ең үздік студенті» атанып, үлкен марапатқа ие болды. Бұл — ұстаз сепкен білім дәнінің тамырын тереңге жайып, зәулім бәйтерекке айналғанының айқын дәлелі.
  Бүгінгі таңда жаңартылған білім беру жүйесі мұғалімнен толассыз ізденісті талап етеді. Осы жолда Перизат Махсұтханқызы кәсіби дамуын бір сәтке де тоқтатпай, заман көшінің алдыңғы шебінде келеді. Оның әрбір сөзі мен ісінен білімге деген шексіз сүйіспеншілік пен мамандыққа деген адалдықтың лебі еседі.
  Осындай білікті де жаңашыл, жүрегі жылы ұстаздар барда қазақ елінің ертеңі нұрлы, болашағы жарқын болары сөзсіз. Парманашиева Перизат Махсұтханқызы — жаңартылған білім беру бағдарламасының шын мәніндегі шебері, әр шәкірттің жүрегінде мәңгілік алау жаққан аяулы тұлға.

Ұстаз — ұлттың болашағын тәрбиелейтін ұлы тұлға. Білім мен тәрбие егіз ұғымға айналған бүгінгі қоғамда шәкірт жүрегіне жол тауып, саналы ұрпақ қалыптастыру — зор жауапкершілік. Осындай қасиетті жолда аянбай еңбек етіп, жаңартылған білім беру мазмұнын терең меңгерген, кәсіби шеберлігімен ерекшеленген отты ұстаздардың бірі — Майлықожа атындағы жалпы білім беретін мектебінің ағылшын тілі пәнінің мұғалімі Парманашиева Перизат Махсұтханқызы.

Перизат Махсұтханқызы — білім саласында заманауи талаптарды шебер ұштастыра білген білікті педагог, жаңартылған білім беру бағдарламасының нағыз шебері. Ол заманауи мектептің басты мақсаты — тек дайын ақпарат беру емес, оқушының функционалдық сауаттылығын арттыру, сыни ойлау қабілетін дамытып, өз пікірін еркін айтуға баулу екенін терең түсінеді. Сондықтан да оның әрбір сабағы — үлкен ізденіс пен шығармашылықтың жемісі.
Ұстаздың басты ерекшелігі — әр оқушыны жеке тұлға ретінде қабылдап, оның ішкі әлеміне үңіле білуінде. Перизат Махсұтханқызының сыныбына кірген сәттен бастап ерекше бір ізгілік пен таным әлеміне енгендей боласыз. Топтық жұмыстар, саралап оқыту, қалыптастырушы бағалаудың тиімді тәсілдері мен жүйелі кері байланыс оның сабақтарының алтын арқауына айналған. Ол шетел тілін құрғақ ережемен емес, инновациялық әдістер арқылы бала жанына сіңіре біледі.
Перизат Махсұтханқызы үшін мұғалімдік — жай ғана мамандық емес, ол — жүрек қалауы, өмірлік миссия. Сондықтан болар, оның төккен төл еңбегі еленіп, марапаттар биігінен көрініп келеді. Ол Түркістан облысы адами әлеуетті дамыту басқармасының Алғыс хатымен, Арыс қаласының әкімі Қ. Маңқараев мырзаның Алғыс хатымен марапатталса, қоғамдық жұмыстағы белсенділігі үшін «Кәсіподаққа еңбегі сіңген қызметкер» медалінің иегері атанды. Сондай-ақ, «Дарынды балаға — талантты ұстаз» атты Республикалық байқауда бас жүлде — І орынды иеленіп, өзінің кәсіби деңгейінің қаншалықты жоғары екенін дәлелдеді.